მოსწავლეები ამ დღემ ძალიან გაახალისა და მათ განწყობა აუმაღლა.

„სიმღერები, ცეკვები, სპორტული შეჯიბრებები ერთმანეთს ცვლიდა და ბავშვების ჟრიამული მიდამოს ახალისებდა“, - გვიყვებიან სკოლაში.

დიდი ინტერესი გამოიწვია მასწავლებელთა ჩართულობამ. ისინი, განსაკუთრებული ხალისით იხატავდნენ სახეს.

ზეიმის ბოლოს გაიმართა შეჯიბრი კლასებს შორის ფეხბურთში, სადაც ბავშვებმა შესაძლებლობები შესანიშნავად წარმოაჩინეს.

​ბავშვთა დაცვის საერთაშორისო დღე — დააწესა 1949 წლის ნოემბერს ქალთა საერთაშორისო დემოკრატიულმა ფედერაციამ. 1950 წლიდან აღინიშნება ყოველწლიურად 1 ივნისს მსოფლიოს მრავალ ქვეყანაში. მისი მიზანია მსოფლიოს საზოგადოებრივი აზრის მობილიზება ახალი ომის საშიშროებისაგან ბავშვთა დასაცავად, ზრუნვა მათი ჯანმრთელობისა და დემოკრატიული აღზრდა-განვითარებისთვის.