ახალქალაქის მუნიციპალიტეტის სოფელ მერენიის საჯარო სკოლაში ბავშვთა დაცვის საერთაშორისო დღე საინტერესოდ აღინიშნა.
ამ დღესთან დაკავშირებით, სკოლაში, ფეხბურთის შეჯიბრი გაიმართა. მასში მერენიისა და იხტილის საჯარო სკოლების მე-8, მე-9 და მე-10 კლასების მოსწავლეები მონაწილეობდნენ.
ბავშვებმა სპორტული შესაძლებლობები შესანიშნავად წარმოაჩინეს, დრო კი ნაყოფიერად გაატარეს.
ეს თამაში, როგორც სკოლაში აღნიშნავენ, ორივე სკოლისთვის მნიშვნელოვანი და საინტერესო იყო.
ბავშვთა დაცვის საერთაშორისო დღე — დააწესა 1949 წლის ნოემბერს ქალთა საერთაშორისო დემოკრატიულმა ფედერაციამ. 1950 წლიდან აღინიშნება ყოველწლიურად 1 ივნისს მსოფლიოს მრავალ ქვეყანაში. მისი მიზანია მსოფლიოს საზოგადოებრივი აზრის მობილიზება ახალი ომის საშიშროებისაგან ბავშვთა დასაცავად, ზრუნვა მათი ჯანმრთელობისა და დემოკრატიული აღზრდა-განვითარებისათვის.
იხილეთ ფოტოები:
