საქართველოს საპატრიარქოს წმიდა თამარ მეფის სახელობის გიმნაზიაში სასწავლო პროცესი მრავალფეროვნებით გამოირჩევა. პედაგოგები სხვადასხვა სასწავლო სტრატეგიებს მიმართავენ, მათ შორის წარმატებით მიმდინარეობს პროექტებით სწავლება.
გიმნაზიის მირიანისა და ნანას სახელობის IVა კლასის მოსწავლეებმა (დამრიგებელი თინათინ ბლიაძე) წარმოადგინეს პროექტი ინგლისურ ენაში (პედაგოგი ნათია მიქაძე) სახელწოდებით - „დავიცვათ ჩვენი სასწავლო გარემო“.
მოსწავლეებმა დაამზადეს პლაკატი, დახატეს მათი თვალით დანახული სკოლა და სკოლის გარემო, ასევე, ჩამოწერეს ყველა მნიშვნელოვანი დეტალი, რითაც შეიძლება გავუფრთხილდეთ ჩვენს სასწავლო გარემოს.
მოსწავლეებმა პროექტზე აქტიურად, ხალისითა და დიდი შემართებით იმუშავეს და კიდევ ერთხელ შეახსენეს ერთმანეთს, რომ გარემოს დაცვა ყველა ჩვენგანის ვალია.
იხილეთ ფოტოები:
