ტყიბულის N6 საჯარო სკოლაში ნიჭიერი, მოტივირებული და მიზანდასახული მოსწავლეები სწავლობენ, რომელთა განვითარებაზეც პროფესიონალ პედაგოგთა გუნდი ზრუნავს. 

ამჯერად, სკოლაში მასწავლებელ მარიტა ბრეგაძის სადამრიგებლო III^ბ კლასის მოსწავლის - ილია გოგნაძის წარმატებით ხარობენ.

საჭადრაკო კლუბ „ლაზიერის“ ინიციატივით, ტყიბულის N7 საჯარო სკოლაში, ქალაქის სკოლებს შორის, საჭადრაკო ტურნირი ჩატარდა. აღნიშნულ ტურნირში 11 წლამდე მოჭადრაკეთა შორის, ტყიბულის N6 საჯარო სკოლის III^ბ კლასის მოსწავლე ილია გოგნაძემ იასპარეზა. მან შესაძლებლობები წარმატებით გამოავლინა და პირველი ადგილი დაიკავა.

მიღწეული წარმატებისათვის მოსწავლე სერტიფიკატით, მედლითა და თასით დაჯილდოვდა.

„ვულოცავთ სკოლის სახელით ილიას ამ გამარჯვებას და ვუსურვებთ წინსვლას მომავალში“,- ამბობენ სკოლაში.