ტყიბულის მუნიციპალიტეტის სოფელ გელათის საჯარო სკოლის პედაგოგები მოსწავლეებს ეროვნულ ღირებულებებზე ზრდიან და მათი პატრიოტული სულისკვეთების ამაღლებაზე ზრუნავენ.
შესაბამისად, სკოლაში ზარ-ზეიმით აღინიშნა საქართველოს დამოუკიდებლობის დღე. ქვეყნის მთავარ ეროვნულ დღესასწაულთან დაკავშირებით, სკოლაში საინტერესო აქტივობები განხორცილდა. მათ შორის პოეზიის საღამო - „საქართველო - სამშობლო ჩემო!“
ღონისძიებაში მონაწილეობდნენ მე-3, მე-5, მე-6 კლასის მოსწავლეები (მასწავლებლები: ნათია იდაძე, ხათუნა ჭეიშვილი, ელიზა ფრუიძე).
მოსწავლეებმა წაიკითხეს საქართველოსადმი მიძღვნილი პროზაული და პოეტური ტექსტები, შეასრულეს სიმღერები.
როგორც სკოლაში გვეუბნებიან, ღონისძიების მიზანი იყო მოსწავლეებში პატრიოტული გრძნობის გაღვივება, ტექსტების მხატვრულად წაკითხვის უნარების განვითარება.
იხილეთ ფოტოები:
