ხობის მუნიციპალიტეტის სოფელ ნოჯიხევის N1 საჯარო სკოლაში პროექტებით სწავლება წარმატებით მიმდინარეობს.
ახლახან, დაწყებით საფეხურზე, მე-4 კლასში სასწავლო პროექტი - „მოცარტი- XVIII საუკუნის სასწაული“ განხორციელდა.
მოსწავლეებმა, მოცარტის უკვდავი ჰანგების ფონზე, ისაუბრეს კომპოზიტორის ბავშვობაზე, მის მოღვაწეობაზე, შეასრულეს მუსიკალური იმპროვიზაციები და როლური თამაში - „სასწაული“.
პროექტის პრეზენტაციამ მაღალი შეფასება დაიმსახურა.
როგორც სკოლაში გვეუბნებიან, პროექტის მიზანი - მოსწავლეებში ჰოლისტური, ანუ ფიზიკური, კოგნიტური და ემოციური უნარების განვითარება, წარმატებით იქნა მიღწეული.
„მოცარტი -XVIII საუკუნის სასწაული“ გახლდათ ინტეგრირებული პროექტი და 2 საგნის - ქართული ლიტერატურისა და მუსიკის მჭიდრო კავშირი წარმოაჩინა, მადლობა მუსიკის მასწავლებელს ლიდა კეკუსანძეს, ქართული ენისა და ლიტერატურის მასწავლებელს - ვიოლეტა მიქავას და მათ აღსაზრდელებს“,- აღნიშნავენ სკოლაში პროექტის მნიშვნელობას უსვამენ ხაზს და მადლობას უხდიან ხელმძღვანელ პედაგოგებს კრეატიულობისთვის.
იხილეთ ფოტოები:
