ხობის მუნიციპალიტეტის სოფელ ნოჯიხევის N1 საჯარო სკოლის პედაგოგები წინსვლასა და წარმატებაზე არიან ორიენტირებულნი.
20 მაისს, ხობის საგანმანათლებლო რესურსცენტრში ჩატარდა მასწავლებელთა რაიონული კონფერენცია - „წლის საუკეთესო პედაგოგიური პრაქტიკა“.
პედაგოგიური გამოცდილების, თანამშრომლობის და საკუთარი შესაძლებლობების, მიგნებების გაზიარების მიზნით, მასწავლებელთა რაიონული კონფერენციაზე, სკოლის ავტორიტეტის წარმოსაჩენად სკოლამ, პედსაბჭოსთან შეთანხმებით შეარჩია პედაგოგები: ინგა ხასაია და ირინა ჩიტაია.
პედაგოგებმა წარადგინეს საინტერესო საკონფერენციო თემები: ინგა ხასაიას თემა გახლდათ - საბუნებისმეტყველო საგნებში სირთულეების დაძლევა ინოვაციური მეთოდების დანერგვით, ირინა ჩიტაიას კი - ინტეგრირებული გაკვეთილის როლი 21-ე საუკუნის განვითარებაში.
სკოლაში მადლობას უხდიან პედაგოგებს თავდაუზოგავი შრომისთვის და წარმატებებს უსურვებენ პროფესიულ საქმიანობაში.
„კვალიფივიური კადრები აძლიერებს სკოლას. ძლიერი სკოლა ძლიერი ხვალინდელი დღეა“,- აღნიშნავენ სკოლაში და ხაზს უსვამენ შრომისმოყვარე კადრებს, რომლებიც ნოჯიხევის N1 საჯარო სკოლის სიძლიერეს განაპირობებენ.
იხილეთ ფოტოები:
