მე-7 კლასში 26 მაისისადმი მიძღვნილი ღონისძიება დევიზით: „არის ასეთი ქვეყანა, მას საქართველო ჰქვია!” გაიმართა.

თემატიკიდან გამომდინარე, მოსწავლეებმა წაიკითხეს ლექსები და შეასრულეს სიმღერები. ბავშვებმა კიდევ ერთხელ გააანალიზეს, რომ სახელმწიფოსთვის დამოუკიდებლობა მნიშვნელოვანია.

მათ ხელმძღვანელობდა პედაგოგი მაია რიჟამაძე.

ეს დღე ინფორმაციული, საინტერესო და დასამახსოვრებელი იყო.

1918 წლის 26 მაისს, თბილისში, საქართველოს ეროვნულმა საბჭომ სახელმწიფოებრივი დამოუკიდებლობის აქტი მიიღო. საქართველოს დამოუკიდებლობა ევროპის წამყვანმა ქვეყნებმა აღიარეს. საქართველოს დემოკრატიულმა რესპუბლიკამ არსებობა სამი წლის შემდეგ, საბჭოთა რუსეთის მიერ განხორციელებული ოკუპაციის შედეგად შეწყვიტა. საქართველომ დამოუკიდებლობის აღდგენა 1991 წლის 9 აპრილს შეძლო.