ექვთიმე თაყაიშვილის სახელობის ზესტაფონის მუნიციპალიტეტის სოფელ ქვედა საზანოს N2 საჯარო სკოლაში I კლასელთა შემაჯამებელი ღონისძიება ჩატარდა.
ღონისძიებაზე, პირველკლასელებმა „დედაენას“ ხოტბა შეასხეს. მათ I კლასში ნასწავლი მასალა წარმოაჩინეს, ლექსები წაიკითხეს, მუსიკალური ნომრები - ცეკვები, სიმღერები შესანიშნავად შეასრულეს, დრო კი ხალისიანად გაატარეს.
„სულ ცოცხლობდე სულ ხარობდე სულ ჭაბუკი იყო გვინდა საუკუნეს გამოვლილო დედაენავ ჩვენო წმინდავ“ - ეს სიტყვები გასდევდა ლაიტმოტივად ღონისძიებას.
ლამაზ ფორმებში გამოწყობილი მოსწავლეების შემოქმედობითობით დამსწრე საზოგადოება აღფრთოვანებული დარჩა.
ღონისძიებას I კლასის დამრიგებელი ეთერ ჯუღელი ხელმძღვანელობდა. მას აღნიშნული დღისთვის გაწეული შრომისთვის, სკოლაში, მადლობას უხდიან.
იქ მყოფი თითოეული ადამიანისთვის ეს დღე ძალიან ლამაზი და დასამახსოვრებელი იყო.
იხილეთ ფოტო-ვიდეომასალა:
