ხაშურის მუნიციპალიტეტის სოფელ ნაბახტევის საჯარო სკოლის პირველკლასელებისთვის სასწავლო წელი მრავალფეროვანი ღონისძიებით დაგვირგვინდა და მოსწავლეებისთვის სკოლაში გატარებული პირველი წელი უფრო შთამბეჭდავი გახდა.
პაატრებმა გააცილეს ანბანი დევიზით - „გზად ია-ვარდი დაფინეთ ანბანი მობრძამდებაო!“.
კლასის პატარა „მსახიობებმა“, სასკოლო საზოგადოებას წარუდგინეს სცენარი - როგორ მოთავსდა წიგნში ასოები. ასევე მოაწყვეს ინსცენირება ნასწავლი მოთხრობების: „ზარმაცი ვანო“, „ჩხუბი არაფერზე“, „მამა და სათვალე“.
მოსწავლეებმა მუსიკალური ნომრებიც შთამბეჭდავად შეასრულეს, ასევე, მე-2 კლასის დახმარებით შეასრულეს ცეკვა - „სამაია“.
აღსანიშნავია, რომ პირველი კლასის ხელმძღვანელია ნათია კაპანაძე, მე-2 კლასის კი - ლელა მჭედლიძე, ღონისძიების ორგანიზატორები კი, მაია რიჟამაძე, ეკატერინე თედეშვილი და ხელოვნების პედაგოგი ანა ღამბარაშვილი გახლდათ.
დღის ბოლოს კი, პატარებმა თავიანთი ხელით შექმნილი ნამუშევრების გამოფენა მოაწყვეს.
იხილეთ ფოტო და ვიდეომასალა:
