აზა ადამიას სახელობის ქალაქ მარტვილის N2 საჯარო სკოლაში სასწავლო წელი საინტერესოდ მიმდინარეობს. 

ამჯერად, სკოლაში აქტივობა - „გაზაფხულის საღამოა მშვიდი“ გაიმართა, რომელიც ტერენტი  გრანელის ცხოვრებასა და მის პოეზიას მიეძღვნა. მე-11 კლასის მოსწავლეებმა, ქართული ენის პედაგოგის - ნანა  კვესელავას  ხელმძღვანელობით, გასვლითი აქტივობა ჩაატარეს. ისინი წალენჯიხაში, ტერენტი გრანელის სახლ-მუზეუმში იმყოფებოდნენ. შემდეგ კი, სასკოლო  საზოგადოების წინაშე პრეზენტაცია მოაწყვეს და ტერენტი გრანელის ლექსები წაიკითხეს.  

როგორც სკოლაში გვიყვებიან, მათ თეატრალიზებული ელემენტებით ორი უდიდესი პოეტის - გალაკტიონ ტაბიძისა და ტერენტი გრანელის - „დემონისა“ და „ანგელოზი“ შეხვედრა მოაწყვეს. ის გენიალური Memento Mori-ით დასრულდა.

„მსმენელი აღაფრთოვანა  მოსწავლეთა ლექსის კითხვის ტექნიკამ, სვეგამწარებული პოეტის განცდილი გრძნობების გამოხატვის უნარმა.. ამ  სასწავლო-შემოქმედებითმა ღონისძიებამ კიდევ ახალი აქტივობების განხორციელების სურვილი აღუძრა დამსწრე საზოგადოებას“,- ამბობენ სკოლაში. 

იხილეთ ვიდეოები:

 ვიდეო