თელავის N5 საჯარო სკოლის პირველკლასელებმა ცოდნა ვიქტორინით შეაჯამეს
29-05-2024
თელავის N5 საჯარო სკოლაში სასწავლო წელი აქტიურად მიმდინარეობს.
ახლახან, პირველ კლასში შემაჯამებელი გაკვეთილი (ვიქტორინა) ჩატარდა, რომელსაც დირექცია, პედაგოგები და მშობლები ესწრებოდნენ. ის კლასის დამრიგებლის - დარეჯან დვალის ხელმძღვანელობით გაიმართა.
გაკვეთილის მიზანი იყო, შესწავლილი მასალის გამეორება და თანამშრომლობითი უნარ-ჩვევების განვითარება. როგორც სკოლაში გვიყვებიან, მოსწავლეები საგაკვეთილო პროცესის ყველა ეტაპში აქტიურად მონაწილეობდნენ. ისინი თეორიულ ცოდნას პრაქტიკაში, აქტივობების ბარათებზე მუშაობისას, უშეცდომოდ იყენებდნენ.
გაკვეთილის დასასრულს მათ სიგელები გადაეცათ.
„ასე მხიარულად გავაცილეთ ჩვენი პირველკლასელები და ვუსურვეთ ბედნიერი არდადეგები“,- ამბობს კლასის დამრიგებელი დარეჯან დვალი.
იხილეთ ფოტოები:
სკოლების სიახლეები
„წელიწადის დროები და ზამთარი“ - ლიის თემის N2 საჯარო სკოლის პირველკლასელთა შთამბეჭდავი ღია გაკვეთილი
