ადიგენის მუნიციპალიტეტის სოფელ ბენარის საჯარო სკოლასთან შერწყმულ შოლავერის დაწყებით სკოლაში მოსწავლეთა განწყობისა და მოტივაციის ამაღლებაზე აქტიურად ზრუნავენ. პედაგოგები მოსწავლეებს მრავალფეროვან და საინტერესო აქტივობებს, ღონისძიებებს მონდომებით სთავაზობენ.
ამჯერად, სკოლაში, I და IV კლასელთა ერთობლივი ღონისძიება ჩატარდა.
ღონისძიებით I კლასელებმა სკოლის დამთავრება აღნიშნეს, IV კლასის მოსწავლეებმა კი პირველ მასწავლებელთან გატარებული წარმატებული 4 წელი შეაჯამეს.
აღსანიშნავია, რომ მე-4 კლასელები წელს, პირველ მასწავლებელს ემშვიდობებიან.
ღონისძიებაში აქტიურად იყვნენ ჩართულები: მასწავლებლები, მშობლები და მოსწავლეები. მოსწავლეებმა წაიკითხეს ლექსები, შესარულეს სიმღერები და „გააცოცხლეს“ იაკობ გოგებაშვილის მოთხრობების პერსონაჟები.
კლასის ხელმძღვანელები: ელზა კაკოშვილი და ნანა მჭედლიშვილი გახლდათ.
ბენარის საჯარო სკოლის დირექცია მადლობას უხდის მოსწავლეებს, კლასის ხელმძღვანელებს და მშობლებს დაუვიწყარი ღონისძიებისთვის
იხილეთ ფოტოები:
