საქართველოს საპატრიარქოს წმიდა თამარ მეფის სახელობის გიმნაზიის მოსწავლეთა არაფორმალურ განათლების პროექტებში ჩართულობა მხარდაჭერილი და წახალისებულია. შესაბამისად, პედაგოგთა ხელმძღვანელობით, მოსწავლეები საგანმანათლებლო პროექტებში აქტიურად არიან ჩართულნი, მონაწილეობენ სხვადასხვა კონკურსსა თუ ღონისძიებაში და ცოდნასა და შესაძლებლობებს წარმატებით წარმოაჩენენ.
ახლახან, გიმნაზიის მე-9ა კლასის მოსწავლეებმა (დამრიგებელი თამთა ხარატიშვილი) მონაწილეობა მიიღეს ზოოპარკის საგანმანათლებლო ცენტრის მიერ ჩატარებულ კონფერენციაში - „ბუნება და ადამიანი“...
მოსწავლეებმა ბიოლოგიის პედაგოგ მარი ბერიძესთან ერთად იმუშავეს საინტერესო პროექტზე, შემდგომ კონფერენციაზე წარადგინეს ნაშრომი და გადავიდნენ პროექტის მეორე ტურში.
„გიმნაზია მუდმივად უწყობს ხელს მოსწავლეების მრავალმხრივ განვითარებას და მათ ჩართვას სხვადასხვა საგანმანათლებლო პროექტებში“,- გვეუბნებიან სკოლაში.
იხილეთ ფოტოები:
