სკოლის ეზოში, ისტორიის მასწავლებელმა - მზია მუშკუდიანმა ბოლო გაკვეთილი ჩაატარა, სადაც მოსწავლეებმა სკოლაში გატარებული წლები გაიხსენეს.

„ბოლო ზარის“ ღონისძიება დატვირთული იყო მრავალფეროვანი აქტივობებით. ბავშვებმა ერთმანეთს თეთრ მაისურებზე სამახსოვრო წარწერები დაუტოვეს და საყვარელ პედაგოგებს ყველაფრისთვის მადლობა გადაუხადეს.

„დღე დატვირთული იყო სიხარულით, სევდით, ბედნიერებით, იმედით“, - გვიყვებიან სკოლაში.

პედაგოგებმა და მშობლებმა გზა დაულოცეს და წარმატებები უსურვეს ყველა კურსდამთავრებულს.