ჩაისუბნის N2 საჯარო სკოლის ისტორიის მასწავლებლმა ირმა რიონიძემ IX კლასში საქართველოს პირველი დემოკრატიული რესპუბლიკის 100 წლის იუბილესთან დაკავშირებით ღონისძიება ჩაატარა. 

სკოლის წარმომადგენლის თქმით, მოსწავლეებმა 1918 -1921 წლების მოვლენებზე, საქართველოს იმ დროინდელ საშინაო და საგარეო პოლიტიკასა და კულტურულ ცხოვრებაზე ისაუბრეს. 

წელს საქართველო პირველი დემოკრატიული რესპუბლიკის გამოცხადების 100 წლის იუბილეს აღნიშნავს.

100 წლის წინ, 1918 წლის 26 მაისს საქართველომ დამოუკიდებლობა  გამოაცხადა. პირველმა დემოკრატიულმა რესპუბლიკამ მხოლოდ სამ წელს იარსება და 1921 წლის 25 თებერვალს  წითელი არმიის შემოჭრის შემდეგ, არსებობა შეწყვიტა. ქვეყანამ დამოუკიდებლობა 1991 წლის 9 აპრილს, 1918 წლის დეკლარაციის საფუძველზე აღადგინა.

იხილეთ ფოტოები