ქობულეთის მუნიციპალიტეტის სოფელ ჩაისუბნის N2 საჯარო სკოლის კურსდამთავრებულებისთვის, საზეიმოდ დაირეკა ბოლო ზარი, ზარი ბავშვური ცხოვრების დასასრულისა და ახალი ასპარეზის, წარმატებული მომავლის შექმნის, დასაწყისისა.
დღე, რომელიც ყველას ცხოვრებაში ამაღელვებელია, არც ჩაისუბნის N2 საჯარო სკოლის კურსდამთავრებულებისთვის ყოფილა ერთფეროვანი, ახალგაზრდებს საყვარელმა პედაგოგებმა და სრულიად სასკოლო საზოგადოებამ, სკოლის დასრულება მიულოცა და წარმატებული მომავალი უსურვა - ეს იყო ემოციური დღე, რომელიც სამარადისოდ დაილექება მათ ცხოვრებაში.
კურსდამთავრებულებმა მადლობა გადაუხადეს მასწავლებლებს წლების მანძილზე გაწეული ღვაწლისთვის და სითბოთი და სიყვარულით დაემშვიდობნენ აღმზრდელებს.
სკოლის დირექცია ულოცავს ყველა კურსდამთავრებულს და უსურვებს წარმატებებს. აღსანიშნავია, რომ კლასის დამრიგებელი მზიანა კობალაძე გახლდათ.
იხილეთ ფოტოები:
