რუსლან წულაძის სახელობის ლანჩხუთის მუნიციპალიტეტის სოფელ ქვიანის საჯარო სკოლის მათემატიკისა და კომპიუტერული ტექნოლოგიების წამყვანი მასწავლებელი ეკა წულაძე მოსწავლეთა განვითარებაზე, მათ მოტივირებასა და ცოდნის გაღრმავებაზე აქტიურად ზრუნავს. ამ მიზნით კი, სხვადასხვა საინტერესო მიდგომასა და მეთოდს იყენებს.
მისი ხელმძღვანელობით, მოსწავლეებს არაერთი წარმატებისთვის მიუღწევიათ. ამჯერად, პედაგოგმა სტატია - „სასწავლო რესურსები მათემატიკაში, რომლებმაც მათემატიკის შესწავლა საინტერესო გამოცდილებად აქცია“ მოამზადა.
ის წერს, რომ სხვადასხვა რესურსი, მოსწავლეთა საჭიროებიდან გამომდინარე, შექმნა. მათმა სასწავლო პროცესში გამოყენებამ კი დადებითი შედეგი მოიტანა.
„მათემატიკის შესწავლისას ხშირია გამოწვევები, რომლებსაც მოსწავლეები აწყდებიან. საგაკვეთილო პროცესში ვიზუალური დამხმარე საშუალებებისა და პრაქტიკული მანიპულაციების ჩართვით, მოსწავლეებს შეუძლიათ უფრო ინტერაქტიული და შინაარსიანი გზით შეისწავლონ სხვადასხვა პრობლემური საკითხი“,- წერს მასწავლებელი.
იხილეთ სტატია
