ჩოხატაურის მუნიციპალიტეტის სოფელ იანეულის საჯარო სკოლაში მოსწავლეები ეროვნულ ღირებულებებზე იზრდებიან და საქართველოსთვის მნიშვნელოვან თარიღებს საზეიმოდ აღნიშნავენ.
ამჯერად, 26 მაისის აღსანიშნავად, სკოლაში სპორტული ღონისძიება - „მხიარული სტარტები“, გაიმართა, რომელშიც მოსწავლეები დიდი სიხარულითა და ზარ-ზეიმით მონაწილეობდნენ.
მოსწავლეებმა საქართველოს დამოუკიდებლობის დღისადმი მიძღვნილ ჩემპიონატზე დიდი ენთუზიაზმით იასპარეზეს, ერთმანეთს ღირსეული კონკურენცია გაუწიეს და წინასწარ იზეიმეს ეს მნიშვნელოვანი თარიღი.
ცნობისთვის, საქართველოს დამოუკიდებლობის დღე - საქართველოს ეროვნული დღესასწაული, რომელიც აღინიშნება ყოველი წლის 26 მაისს, ნიშნად საქართველოს სახელმწიფოებრივი დამოუკიდებლობის აღდგენისა რუსეთის იმპერიისგან. მიუხედავად იმისა, რომ სსრკ-სგან დამოუკიდებლობა 1991 წლის 9 აპრილს გამოცხადდა, ეროვნულ დღესასწაულად მაინც 1918 წლის 26 მაისი — პირველი რესპუბლიკის მიერ გამოცხადებული დამოუკიდებლობის დღე — აღინიშნება.
იხილეთ ფოტო და ვიდეომასალა:
