თელავის მუნიციპალიტეტის სოფელ იყალთოს საჯარო სკოლაში სასწავლო წლის განმავლობაში არაერთი საინტერესო და მოსწავლეთა მრავალმხრივ განვითარებაზე ორიენტირებული აქტივობა იმართება.
ამჯერად, სკოლის პირველ კლასში ღონისძიება: „სულ იქნება ჩვენს მამულში, „აი ია, აი ია“(დამრიგებელი: მარინე გლურჯიძე, მუსიკალური გაფორმება: ნინო ჯავახიშვილი) ჩატარდა.
ღონისძიებაზე, მოსწავლეებმა წაიკითხეს ლექსები და გამონათქვამები დედაენაზე, ი. გოგებაშვილსა და სამშობლოზე, ასევე შეასრულეს სიმღერები.
ღონისძიებას, როგორც სკოლაში აღნიშნავენ, მეტი ელფერი და სილამაზე შესძინა საინტერესოდ შესრულებულმა სლაიდებმა.
აქტივობებში ბავშვები დიდი მონდომებით, ინტერესითა და ხალისით იყვნენ ჩართულნი.
აღსანიშნავია, რომ მსგავსი აქტივობები, ღონისძიებები მოსწავლეთა მოტივაციისა და განწყობის ამაღლებას ხელს უწყობს.
იხილეთ ფოტო-ვიდეომასალა:
