ქაქუცა ჩოლოყაშვილის სახელობის თბილისის N178 საჯარო სკოლაში სასწავლო წელი აქტიურად მიმდინარეობს. პედაგოგთა ხელმძღვანელობით მოსწავლეები სხვადასხვა საინტერესო და შემეცნებით აქტივობებში დიდი მონდომებით ერთვებიან.
ამჯერად, სკოლის მე-4 კლასის მოსწავლეები საბავშვო თეატრს - „მეორე სახლი“ ესტუმრნენ, სადაც წარმოადგინეს ორი სპექტაკლი „ჩხიკვთა ქორწილი“ და „იავნანამ რა ჰქმნა?!“ (რეჟისორები: როლანდ და გიორგი ქარდავები).
მათ ბრწყინვალედ ითამაშეს - საოცარი სამსახიობო ოსტატობა და ნიჭი გამოავლინეს. როგორც სკოლაში აღნიშნავენ, ბავშვებმა წარმოაჩინეს თავი, როგორც მომავალმა მსახიობებმა.
„გილოცავთ, ჩემო მოსწავლეებო ამ დიდი წარმატებას. მიყვარხართ!“, - აღნიშნავს პედაგოგი ირინა ჩიტაძე.
ეს დღე თითოეული მოსწავლისთვის ძალიან საინტერესო, დასამახსოვრებელი და ნაყოფიერი იყო.
აღსანიშნავია, რომ მსგავსი აქტივობები მოსწავლეთა მრავალმხრივ განვითარებას უწყობს ხელს.
იხილეთ ფოტოები:
