ქაქუცა ჩოლოყაშვილის სახელობის ქალაქ თბილისის N178 საჯარო სკოლაში არაფორმალურ განათლებას მნიშვნელოვანი ყურადღება ექცევა. ამის მაგალითია ისიც, რომ მოსწავლეები სხვადასხვა კონკურსსა და აქტივობაში დიდი ენთუზიაზმით ერთვებიან.
ამჯერად, სკოლის საზოგადოებრივ მეცნიერებათა კათედრასთან არსებული ინტელექტუალური კლუბის - „რა? სად? როდის?“ ბოლო თამაში ჩატარდა, სადაც გამოვლინდა ღირსეული გამარჯვებული მე-10„გ“ კლასის გუნდი „ჩირაღდანი“.
მოსწავლეებმა ცოდნა და სხარტი აზროვნება წარმოაჩინეს, დრო კი ნაყოფიერად გაატარეს. მათი ხელმძღვანელები ლია ჯანაშია და ანი სუხიტაშვილი იყვნენ.
სკოლაში ასეთი აქტიურობისთვის ყველა მონაწილეს მადლობას უხდიან.
„ყველა მონაწილეს გიხდით მადლობას, თითოეული თქვენთაგანი გამარჯვებულია, რადგანაც ამ დროის განმავლობაში ძალიან ბევრი ინფორმაცია დაამუშავეთ და ეს ყველაფერი თქვენთან რჩება, რომელიც წინსვლაში და წარმატებაში გამოგადგებათ“, - აღნიშნავენ სკოლაში.
სასკოლო საზოგადოება მოსწავლეთა მრავალმხრივ განვითარებასა და სხარტი აზროვნების გაუმჯობესებას მნიშვნელოვან ყურადღებას აქცევს.
იხილეთ ფოტოები:
.jpg){kind=link}
