ზუგდიდის მუნიციპალიტეტის სოფელ ჭითაწყარის საჯარო სკოლის მოსწავლეებს კარგად ესმით თუ რამდენად მნიშვნელოვანია გარემოზე ზრუნვა და რამდენად დიდი როლი აქვს თითოეულ ადამიანს ეკოლოგიურად ჯანსაღი გარემოს შექმნაში. 

ცხადია, სკოლაში განსაკუთრებით აღინიშნა დედამიწის დღე. ამ დღესთან დაკავშირებით, გაიმართა შემეცნებითი ხასიათის კონფერენცია - „ეკოლოგიური პრობლემები და მათი გადაჭრის გზები“. 

აღსანიშნავია, რომ კონფერენციის ხელმძღვანელი გეოგრაფიის მასწავლებელი ლელა კუკავა გახლდათ და მასში მონაწილეობდნენ საბაზო და საშუალო საფეხურის მოსწავლეები.

მოსწავლეებმა არგუმენტირებულად იმსჯელეს თემის ირგვლივ, მიიღეს ახალი ინფორმაცია და თავიანთი ცოდნა სასკოლო საზოგადოებას გაუზიარეს. 

იხილეთ ფოტოები: