თბილისის N28 საჯარო სკოლაში მეტად საინტერესო სასწავლო პროცესი მიმდინარეობს, რაც მოსწავლეთა განათლების ხარისხსა და მოტივაციაზე აისახება.
ახლახან, სკოლის მესამე კლასში ჩატარდა პროექტი გაკვეთილი - „გზაზე მოძრაობის ანაბანა“. მოსწავლეებმა პირველკლასელებს გაუზიარეს თავიანთი ცოდნა და ჩაატარეს მოკლე პრეზენტაციები.
რამდენიმე წუთი კითხვა-პასუხის რეჟიმს დაუთმეს, საკუთარი ნახატები წარმოადგინეს და პირველკლასელებს გადასცეს.
„მოსწავლეთა პრეზენტაციებმა უნდა დააინტერესოს ბავშვები, რომლებსაც ეს საგანი და საკითხი არ უსწავლიათ“,- გვიყვებიან სკოლაში გაკვეთილის მიზანზე საუბრისას.
მოსწავლეებმა დაკისრებულ მოვალეობას წარმატებით გაართვეს თავი და შესაძლებლობები წარმატებით წარმოაჩინეს.
სკოლაში მოსწავლეთა აქტიურობა ახარებთ.
„მადლობა მოსწავლეებს აქტიური ჩართულობისთვის“,- აღნიშნავენ სკოლაში.
პროექტს ხელმძღვანელობდა მესამე კლასის პედაგოგი ია ტუშური, რომელიც მოსწავლეებს მრავალფეროვანი აქტივობებით ანებივრებს.
იხილეთ ფოტოები:
