ოტია იოსელიანის სახელობის ქალაქ წყალტუბოს N1 საჯარო სკოლაში სასწავლო წელი აქტიურად და საინტერესოდ მიმდინარეობს.
ამჯერად, სკოლაში, პროექტ „მშვიდობის ელჩები მშვიდობისათვის“ ფარგლებში, დევნილებთან შეხვედრა გაიმართა. სკოლაში სტუმრად იყვნენ ქალბატონი ნელი ხეცურიანი და მანანა ჩაკვეტაძე.
„შეხვედრაზე დევნილებმა გაიხსენეს განვლილი ისტორიები, აფხაზეთში ცხოვრების წლები, სასტიკი ომი და ქართულ-აფხაზური ურთიერთობები“, - გვიყვებიან სკოლაში.
აღნიშნულ დღეს, ასევე გაიმართა დისკუსია.
შეხვედრის ბოლოს IV ა კლასის მოსწავლეებმა (ხელმძღვანელი: ელისო მეტრეველი) სასკოლო საზოგადოებას ექსპრომტად შესთავაზეს ხალხური საკრავებით შესრულებული სიმღერა - „აფხაზეთი საქართველო არის“.
შეხვედრა დადებითად შეაფასა, სკოლის დირექტორმა ფაქიზო ფანჩულიძემ.
„მოსწავლეთა თვითმმართველობის სახელით მადლობას ვუხდით მოწვეულ სტუმრებს თანამშრომლობისთვის!“, - აღნიშნავენ სკოლაში.
მსგავსი აქტივობები მოსწავლეთა მრავალმხრივ განვითარებას ხელს უწყობს.
იხილეთ ფოტოები:
