ქარელის მუნიციპალიტეტის ზღუდერის საჯარო სკოლაში სასწავლო პროცესი საინტერესო და მრავალფეროვანი აქტივობებითაა გაჯერებული. 

ამჯერად, მოსწავლეები, სახვითი და გამოყენებითი ხელოვნების მასწავლებლის ხათუნა ჯოხთაბერიძის ხელმძღვანელობით, ორ პროექტში მონაწილეობდნენ.

ერთი პროექტი ძამას ხეობის ღირსშესანიშნაობების შესახებ იყო, ხოლო მეორეს ფარგლებში, მოსწავლეებმა საქართველოს რუკა საკუთარი ფანტაზიით უნდა შეექმნათ. 

მოსწავლეებმა შემოქმედებითი შესაძლებლობები გამოავლინეს, დრო ნაყოფიერად გაატარეს და საინტერესო ნამუშევრები დაამზადეს. აღსანიშნავია, რომ გამარჯვება მეხუთე კლასმა მოიპოვა.

იხილეთ ვიდეო და ფოტოები: