ნინოწმინდის N4 საჯარო სკოლაში სასწავლო წელი საინტერესო და მოსწავლეთა მრავალმხრივ განვითარებაზე ორიენტირებული აქტივობებითაა დატვირთული.
ამჯერად, სკოლის I კლასში, თემაზე - „პასუხისმგებლობა საკუთარ საქციელზე“, საინტერესო გაკვეთილი ჩატარდა.
დავალების სამიზნე ცნება იყო ტექსტი, ქვეცნება - ტექსტის გაგების სტრატეგიები, იდეა - თხზულების, „ფაიფურის თოჯინა“, შინაარსის (დასაწყისი. შუა ნაწილი, დასასრული) გადმოცემა ნახატების მეშვეობით.
კომპლექსურ დავალებაზე პირველკლასელებმა დიდი მონდომებით, ინტერესითა და ხალისით იმუშავეს.
დავალება გამოვიდა დიფერენცირებული. მოსწავლეებმა სხვადასხვა გზით შეასრულეს ის, სადაც ცოდნა, შემოქმედებითი უნარები შესანიშნავად წარმოაჩინეს.
აღსანიშნავია, რომ მსგავსი აქტივობები და გაკვეთილები მოსწავლეთა სასწავლო პროცესში ჩართულობას უწყობს ხელს.
იხილეთ ფოტო-ვიდეომასალა:
