ნინოწმინდის მუნიციპალიტეტის სოფელ ეშტიის N2 საჯარო სკოლის პედაგოგები მოსწავლეებს საგაკვეთილო პროცესის გამრავალფეროვნებისა და მასში ჩართულობის გაზრდის მიზნით, საინტერესო აქტივობებს სთავაზობენ.
ამჯერად, ასეთი საინტერესო აქტივობებით გაჯერებული მე-5 კლასში ჩატარებული ქართული ენისა და ლიტერატურის შემაჯამებელი გაკვეთილი იყო.
გაკვეთილის თემა - „რეცეპტი“ გახლდათ. კლასში, მოსწავლეებმა პედაგოგ ნარინე აროიანის ხელმძღვანელობით, ნამცხვარი და პიცა მოამზადეს. მათ შესაძლებლობები წარმოაჩინეს და ახალი უნარები შეიძინეს.
ატივობებში ბავშვები დიდი ენთუზიაზმითა და ხალისით მონაწილეობდნენ.
ეს დღე ძალიან საინტერესო და დასამახსოვრებელი იყო თითოეული მოსწავლისთვის.
აღსანიშნავია, რომ მსგავსი აქტივობები და გაკვეთილები მოსწავლეთა მრავალმხრივ განვითარებას ხელს უწყობს.
იხილეთ ფოტო-ვიდეომასალა:
