ქუთაისის N38 საჯარო სკოლაში მოსწავლეთა შემოქმედებითი უნარების წარმოჩენა-განვითარებას მნიშვნელოვანი ყურადღება ექცევა. სწორედ ამიტომ, დირექციისა და პედაგოგთა ხელმძღვანელობით მოსწავლეები სხვადასხვა საინტერესო აქტივობაში ენთუზიაზმით ერთვებიან.
ამჯერად, VIII კლასის მოსწავლეებმა, პედაგოგ ნათია მუშკუდიანის ხელმძღვანელობით, ღონისძიება - „სამშობლო, როგორც უფალი ერთია ქვეყანაზედა“, ნიღბების თეატრში ჩაატარეს.
ღონისძიებაზე მოსწავლეებმა ლექსები წაიკითხეს, მუსიკალური ნომრები - ცეკვები, სიმღერები შესანიშნავად შეასრულეს და შემოქმედებითი უნარები შესანიშნავად წარმოაჩინეს.
მოსწავლეთა შესრულებულმა ნომრებმა დამსწრე საზოგადოების დიდი მოწონება დაიმსახურა.
ეს დღე ძალიან საინტერესო, ემოციური და დასამახსოვრებელი იყო.
აღსანიშნავია, რომ სასკოლო საზოგადოება პატრიოტულ სულისკვეთებას მოსწავლეებში დაწყებითი კლასებიდანვე აღვიძებს.
