ყვარლის მუნიციპალიტეტის სოფელ საბუეს საჯარო სკოლაში მოსწავლეთა სურვილებისა და ინტერესებს გათვალისწინებით და მათი მოტივაციის ამაღლების მიზნით არაერთი საინტერესო აქტივობა იმართება.
ამჯერად, სკოლის X და XI კლასის მოსწავლეებმა 11-12 მაისს მოაწყეს სასწავლო-შემეცნებითი ექსკურსია მარშუტით: საბუე-ახალციხე-აბასთუმანი.
მოსწავლეებმა ახალციხეში მოინახულეს კლდეში ნაკვეთი სამონასტრო ანსამბლი „ვარძია“, XI-XIII საუკუნეების ქართული მხატვრული კულტურის ძეგლი, თამარ მეფის ეპოქის დიდებული მემატიანე.
ასევე ახალგაზრდებმა მოინახულეს ხერთვისის ციხე - შუასაუკუნეების ციხესიმაგრე სამხრეთ საქართველოში, აგრეთვე ნახეს აბასთუმანში ევგენი ხარაძის ეროვნული ასტროფიზიკური ობსერვატორია. მოილოცეს „ზარზმის“ და „საფარას“ მონასტერი.
აღსანიშნავია, რომ ღონისძიების ხელმძღვანელები გახლდათ: ნინო გიგიგლაშვილი და მაგული ველიაშვილი.
იხილეთ ფოტოები:
