ნოდარ დუმბაძის სახელობის ქალაქ ოზურგეთის N2 საჯარო სკოლაში მოსწავლეთა ეკოცნობიერების ამაღლებას მნიშვნელოვანი ყურადღება ექცევა. მოსწავლეები სხვადასხვა გარემოსდაცვით აქტივობასა და ღონისძიებაში მოდნომებით ერთვებიან.
მათ შორის იყო გლობალური მოქმედების დღეები, რომლის ფარგლებში განხორციელებულ აქტივობებშიც სკოლის მე-5 კლასის მოსწავლეები მონაწილეობდნენ.
სლოგანის - „დედამიწა ჩვენი სახლია“ გარშემო გაერთიანდნენ მოსწავლეები. მათ გარემოს დაცვის საქმეში თავიანთი წვლილი შეიტანეს.
გლობალური მოქმედების დღეები გარემოს დაცვითი განათლების ფონდის (FEE) ორგანიზებით მოეწყო.
მასწავლებელს და მოსწავლეებს განათლების ფონდმა (FEE) ასეთი აქტიური ჩართულობისთვის სერტიფიკატები გადასცა.
აღსანიშნავია, რომ სკოლაში მოსწავლეებს გარემოს მოფრთხილებასა და მასზე ზრუნვას დაწყებითი კლასებიდანვე ასწავლიან.
იხილეთ ფოტოები:
