ახმეტის N1 საჯარო სკოლის პედაგოგები პასუხისმგებლიან მოქალაქეებს ზრდიან და მათ საგნობრივ დისციპლინებთან ერთად, გარემოს დაცვასა და მოფრთხილებას ასწავლიან.
22 აპრილს, პროექტის - „დედამიწის პატარა მცველები“ ფარგლებში, მეორე კლასში ჩატარდა ინტეგრირებული გაკვეთილი ქართულში, ხელოვნებასა და ბუნებაში.
გაკვეთილზე წარმოდგენილი იყო პრეზენტაცია დედამიწის დაცვის თემაზე, ასევე მოკლემეტრაჟიანი ვიდეოფილმები, დისკუსია-მსჯელობა.
დისკუსიის ფარგლებში „პატარა მცველებმა“ მასწავლებლებთან ერთად სხვადასხვა ტექნიკით დაამზადეს რესურსები, გააცნობიერეს მათი როლი დედამიწის დაცვა-მზრუნველობის საქმეში.
მოსწავლეებმა აამეტყველეს დედამიწა, ასევე მიმართეს მადლიერებით და დაჰპირდნენ, რომ იქნებიან „დედამიწის მცველები“.
სასწავლო პროცესს ხელმძღვანელობდნენ მასწავლებლები - ლანა ბლიაძე, ქეთი მთიულიშვილი, ნათელა თაღიაშვილი, რომლებიც მოსწავლეთა მრავალმხრივ განვითარებაზე ზრუნავენ.
იხილეთ ფოტოები:
