რუსთავის N20 საჯარო სკოლაში სასწავლო წელი საინტერესო და მრავალფეროვანი აქტივობებითაა დატვირთული, რომლებშიც მოსწავლეები დიდი ენთუზიაზმით ერთვებიან.
სკოლაში, ამჯერადაც გრძელდება სხვადასხვა სახალისო და საინტერესო აქტივობების განხორციელება.
მე-6 გ კლასის მოსწავლეებმა და მათემატიკის მასწავლებელმა - ნინო მარგველაშვილმა, სკოლაში ფრანგი მწერლის - კაროლინ მარშალის ზღაპრის: „რობიკო მრავალკუთხედების ქვეყნიდან“ მიხედვით, საინტერესო წარმოდგენა დადგეს.
წარმოდგენა იყო შემეცნებითი და ძალიან დასამახსოვრებელი. ზღაპარში მოსწავლეებმა გააცოცხლეს გეომეტრიული ფიგურები.
„მათ საინტერესოდ გადმოსცეს ამ ფიგურებთან დაკავშირებული ცნებები და განსაზღვრებები“, - გვიყვებიან სკოლაში.
აქტივობებში ისინი დიდი ხალისითა და ინტერესით იყვნენ ჩართულნი.
მსგავსი ღონისძიებები მოსწავლეთა ცოდნის გაღრმავებასა და თვალსაწიერის გაფართოებას ხელს უწყობს.
იხილეთ ფოტოები:
