ჟიული შარტავას სახელობის ქალაქ სენაკის N2 საჯარო სკოლაში მოტივირებული და ნიჭიერი მოსწავლეები სწავლობენ, რომლებიც სასკოლო აქტივობებში მონდომებით ერთვებიან.

ამჯერად, V^ა კლასში, მათემატიკაში, შემაჯამებელი კომპლექსური გაკვეთილი ჩატარდა, რომლის თემაც წილადები იყო. გაკვეთილს მასწავლებელი მარინე ჯოჯუა უძღვებოდა. 

მოსწავლეებმა წილადებზე არითმეტიკული მოქმედებები შეასრულეს, ამოცანები ამოხსნეს და ცოდნა წარმატებით გამოავლინეს. როგორც სკოლაში გვიყვებიან, მათ გაკვეთილზე საინტერესო, თვალსაჩინოებებით დატვირთული PowerPoint-ში დამზადებული მრავალჯერადი გამოყენების რესურსები წარადგინეს. 

შემაჯამებელმა გაკვეთილმა დიდი წარმატებით ჩაიარა. სკოლაში მოსწავლეებსა და მათ მასწავლებელს წინსვლას უსურვებენ. 

იხილეთ ფოტოები: