მარტვილის მუნიციპალიტეტის სოფელ დიდი ჭყონის N2 საჯარო სკოლა გარემოსდაცვით აქტივობებსა და ღონისძიებებს აქტიურად უერთდება.
მათ შორის იყო დედამიწის დღისადმი მიძღვნილი ღონისძიება, რომელსაც სკოლაში საინტერესო აქტივობები მიეძღვნა.
მოსწავლეებმა თემატური პლაკატი შექმნეს, სადაც შემოქმედებითი უნარები შესანიშნავად წარმოაჩინეს. პლაკატი ლამაზად გააფორმეს და კიდევ ერთხელ აღნიშნეს, თუ რაოდენ მნიშვნელოვანია გარემოზე ზრუნვა.
აქტივობებში ისინი დიდი ენთუზიაზმითა და ინტერესით იყვნენ ჩართულნი.
მოსწავლეთა გზავნილი იყო: „დედამიწა ჩვენი სახლია!“ „ვიზრუნოთ და გავუფრთხილდეთ!“.
დედამიწის დღე — ყოველწლიური ღონისძიება, რომელიც 22 აპრილს აღინიშნება. ამ დღეს მსოფლიოს გარშემო იმართება გარემოს დაცვის მხარდასაჭერი ღონისძიებები. ის პირველად აღინიშნა 1970 წელს, დღესდღეობით კი დედამიწის დღე ყოველწლიურად აღინიშნება 193 ქვეყანაზე მეტში.
