ნინოწმინდის მუნიციპალიტეტის სოფელ უჩმანის საჯარო სკოლაში ეკოცნობიერების დონის ამაღლებას მოსწავლეებში მნიშვნელოვანი ყურადღება ექცევა. სწორედ ამიტომ, პედაგოგთა ხელმძღვანელობით, მოსწავლეები სხვადასხვა გარემოსდაცვით აქტივობებში ერთვებიან.
მათ შორის იყო დედამიწის დღისადმი მიძღვნილი საინტერესო და მრავალფეროვანი აქტივობები.
მე-2 კლასის მოსწავლეებმა თემატური ნამუშევრები შექმნეს, სადაც შემოქმედებითი უნარები წარმოაჩინეს. მათ, ასევე აღნიშნეს, რომ გარემოს მოვლა და მოფრთხილება სჭირდება, რაც თითოეული ადამიანის მოვალეობაა.
აქტივობებში ისინი დიდი ხალისითა და ენთუზიაზმით იყვნენ ჩართულნი.
„აღნიშნულმა აქტივობებმა გააძლიერა მათი ცოდნა გარემოს დაცვის მნიშვნელობასა და პლანეტა დედამიწის შესახებ“, - აღნიშნავენ სკოლაში.
დედამიწის დღე — ყოველწლიური ღონისძიება, რომელიც 22 აპრილს აღინიშნება. ამ დღეს მსოფლიოს გარშემო იმართება გარემოს დაცვის მხარდასაჭერი ღონისძიებები. ის პირველად აღინიშნა 1970 წელს, დღესდღეობით კი დედამიწის დღე ყოველწლიურად აღინიშნება 193 ქვეყანაზე მეტში.
იხილეთ ფოტოები:
