ავლიპე ზურაბიშვილის სახელობის ქალაქ სიღნაღის საჯარო სკოლაში მათემატიკური კვირეული მიმდინარეობდა.

აღნიშნული კვირეულის ბოლო დღე კინოჩვენებასა და კვირეულის მონაწილეთა დაჯილდოებას მიეძღვნა. მოსწავლეებმა ნახეს მხატვრული ფილმი „ადამიანი, რომელმაც შეიცნო უსასრულობა“. ის მათემატიკოსის ცხოვრებას ეძღვნება. 

როგორც სკოლაში გვიყვებიან, ეს დღე განსაკუთრებულად დაამახსოვრდება კვირეულის მონაწილე ყველა მოსწავლეს. მათ სკოლის დირექციამ აქტივობებში მონაწილისა და გამარჯვებულის სიგელები გადასცა.

„სკოლის მათემატიკის კათედრის მიერ ორგანიზებული კვირეული დიდხანს ემახსოვრებათ მის მონაწილეებსა და გულშემატკივრებს“,- ამბობენ სკოლაში.

იხილეთ ფოტოები: