„არა ბულინგს“- ზემო ნატანების საჯარო სკოლის მე-8 კლასის მოსწავლეთა ძალადობის წინააღდეგ მიმართული გზავნილი და საინტერესო პრეზენტაცია
ოზურგეთის მუნიციპალიტეტის სოფელ ზემო ნატანების საჯარო სკოლაში, სასწავლო წლის განმავლობაში, არაერთი საინტერესო აქტივობა იმართება.
ამჯერად, სკოლაში ბულინგთან ბრძოლის საერთაშორისო დღე აღინიშნა. თარიღთან დაკავშირებით, მე-8 კლასის მოსწავლეებმა ინფორმაცია მოიძიეს, დაახარისხეს, საინტერესოდ ისაუბრეს და შესაძლებლობები გამოავლინეს.
მათ მთავარი გზავნილი - „არა ბულინგს“ გააჟღერეს. აქტივობას კლასის ხელმძღვანელი მარინა ზოიძე უძღვებოდა, რომელიც მოსწავლეთა განვითარებაზე ყოველდღიურად ზრუნავს.
საინტერესო პრეზენტაციებმა სასკოლო საზოგადოების მოწონება დაიმსახურა.
იხილეთ ფოტოები: