სამტრედიის მუნიციპალიტეტის სოფელ მელაურის საჯარო სკოლაში მოსწავლეთა მოტივაციის ამაღლებასა და მრავალმხრივ განვითარებას მნიშვნელოვანი ყურადღება ექცევა. აღსანიშნავია, რომ მოსწავლეთა მონაწილეობით, სკოლაში სხვადასხვა სახის კონკურსი და აქტივობა იმართება.
მათ შორის იყო ინტელექტუალურ-შემეცნებითი ვიქტორინა-კონკურსი „რა? სად? როდის?“, რომელშიც სკოლის საბაზო და საშუალო საფეხურის მოსწავლეებისგან შემდგარი გუნდები: „ტენებრისი“, „კოლხი რაინდები“, „არესი“ და „პანდორა“ მონაწილეობდნენ.
ვიქტორინა, სკოლაში, ისტორიის მასწავლებლის - ლელა ხარებავას ხელმძღვანელობით ჩატარდა.
კონკურსის შედეგად გამოვლინდა გამარჯვებული გუნდი „ტენებრისი“. ყველაზე ინტელექტუალურ მოსწავლედ კი დასახელდა გიორგი უღრელიძე. თამაშის მონაწილეები და გამარჯვებული მოსწავლეები დაჯილდოვდნენ წიგნებით.
სკოლაში ღონისძიების ხელმძღვანელს - ლელა ხარებავას საინტერესო კონკურსისთვის და ყველა მონაწილე მოსწავლეს კი აქტიური თამაშისათვის მადლობას უხდიან.
იხილეთ ფოტოები:
