თბილისის N132 საჯარო სკოლაში სასწავლო წელი აქტიურად და წარმატებით მიმდინარეობს. 

ახლახან, სკოლაში გაიმართა ინტელექტუალური თამაშის - „ტვინების ბრძოლა“ პირველი სასკოლო ეტაპი, რომელშიც მონაწილეობდნენ ქართული სექტორის მე-4 კლასის სამივე პარალელის მოსწავლეები (კლასების დამრიგებლები: ნანა ყარაჯაშვილი, ნათია კუჭაშვილი, ლია ადუაშვილი).

ისინი შეჯიბრში დიდი მონდომებით ჩაერთნენ, შესაძლებლობები წარმოაჩინეს და დრო სასიამოვნოდ გაატარეს. 

თამაში საინტერესოდ წარიმართა. საუკეთესო ქულები დააგროვა სამმა  გუნდმა:

• „გენიოსები“;
• „ტალანტები“;
• „ლომები“.

გამარჯვებულ გუნდებს სკოლის დირექციამ და დამრიგებლებლებმა სიგელები გადასცეს.

„წარმატებებს ვუსურვებთ ჩვენს პატარა მოაზროვნეებს!“, - აღნიშნავენ სკოლაში.