მამუკა სამაკაშვილის სახელობის ქალაქ წყალტუბოს N2 საჯარო სკოლის პედაგოგები მოსწავლეებს სწორ ღირებულებებზე ზრდიან და არა მხოლოდ საგნობრივ დისციპლინებს, არამედ კაცთმოყვარეობას, სიკეთის კეთებას ასწავლიან.
ახლახან, სკოლის სამოქალაქო კლუბმა - „ფენიქსი“,რომლის პრეზიდენტი მატრონა ანთიძე, ხოლო მდივანი - დაიანა დვალიშვილი გახლავთ, საქველმოქმედო აქცია დაგეგმა.
კლუბის წევრებმა გადაწყვიტეს სააღდგომო საჩუქრები დაერიგებინათ სოციალურად დაუცველი ოჯახებისთვის.
მათ დათესეს და გაახარეს ჯეჯილი, შემოსული თანხით შეიძინეს საჭირო პროდუქტები.
დირექციისა და სკოლის პედაგოგების თანადგომით, სახლებში ეწვივნენ, მათ ვისაც დახმარება ყველაზე მეტად სჭირდება და მიულოცეს სააღდგომო დღესასწაული.
„დღემ სიხარულისა და მადლიერებისა“ ემოციებით ჩაიარა“,- გვეუბნებიან სკოლაში და აქციის მნიშვნელობას უსვამენ ხაზს.
იხილეთ ფოტოები:
