ნინოწმინდის მუნიციპალიტეტის სოფელ პატარა გონდრიოს საჯარო სკოლის მასწავლებლები მოსწავლეებს სხვადასხვა საინტერესო აქტივობასა თუ ღონისძიებას სთავაზობენ, რითაც სასწავლო პროცესს კიდევ უფრო ამრავალფეროვნებენ. 

ამჯერად, ნარა ასლანიანისა და არფინე სარკისიანის ხელმძღვანელობით, სკოლაში აღდგომის დღესასწაულისადმი მიძღვნილი ღონისძიება ჩატარდა. მოსწავლეები მის მიმდინარეობაში მონდომებით ჩაერთნენ.

მათ, ზოგადად, აღდგომის დღესასწაულის მნიშვნელობასა და სააღდგომო ტრადიციებზე ისაუბრეს. აღსანიშნავია, რომ სასკოლო გარემოც შესაბამისად იყო გაფორმებული, რაც საზეიმო განწყობას კიდევ უფრო ამაღლებდა. 

ღონისძიებამ ნაყოფიერად და საინტერესოდ ჩაიარა. 

იხილეთ ფოტოები: