ხობის მუნიციპალიტეტის სოფელ ჭალადიდის საჯარო სკოლის მოსწავლეები აღდგომის ბრწყინვალე დღესასწაულისთვის დიდი ენთუზიაზმით ემზადებიან.
პედაგოგ ლუიზა ფირცხალავას ხელმძღვანელობით, მე-4 კლასელებმა ჯეჯილი დათესეს.
„იზარდე მწვანე ჯეჯილო“ ,- აღნიშნეს მოსწავლეებმა, რომელთათვის აქტივობა ძალიან სახალისო და საინტერესო აღმოჩნდა.
სკოლის დირექტორი ნანა ქარციძე მე-4 კლასელებისა და მათი მასწავლებლის მონდომებით აღფრთოვანებული დარჩა.
„საოცარი წუთები მაჩუქეს მე-4 კლასელებმა თავის ლუიზა მასწავლებელთან ერთად, ისე მოულოდნელად ხდები ყველა ამ პროექტის უნებური მონაწილე, ისე აგიყოლიებენ, შენც მათი ასაკის ხდები.
ისე უყვართ, როცა იციან და ცოდნას გინაწილებენ. მიყვარხართ“, - აღნიშნავს დირექტორი ნანა ქარციძე.
სკოლაში, მოსწავლეთა განწყობის ამაღლებაზე დირექცია და პედაგოგები ყოველთვის ზრუნავენ.
იხილეთ ვიდეო:
