საქართველოს დამოუკიდებლობის აღდგენის დღეს საგარეჯოს მოსწავლე - ახალგაზრდობის სახლში უმცროსკლასელთა რიგით მე-8 ინტელექტთამაში გაიმართა. 

შეჯიბრში მონაწილეობდნენ საგარეჯოს N1, N3, N4, პატარძეულის, გიორგიწმინდის საჯარო და პატარძეულის ქართულ-ფრანგული სკოლა-ლიცეუმის ინტელექტგუნდები. 

თამაშის თემა გახლდათ - ავსტრია. 

პირველი ადგილი 18 ქულით  საგარეჯოს N4 საჯარო სკოლის გუნდმა დაიკავა, მე-2 ადგილზე 17 ქულით  გიორგიწმინდის საჯარო სკოლის გუნდი გავიდა, 16 ქულა და მე-3 ადგილი საგარეჯოს N3 საჯარო სკოლის გუნდმა მოიპოვა, 15-15 ქულით მე-4 ადგილი პატარძეულის საჯარო და პატარძეულის ლიცეუმმა მიიღო, 14 ქულით მე-5 ადგილი საგარეჯოს N1 საჯარო სკოლის გუნდმა დაიკავა. 

კაპიტნების კონკურსში პირველი ადგილი 2-2 ქულით პირველი საჯარო სკოლის გუნდის კაპიტანმა ნიკა კევლიშვილმა, პატარძეულის საჯარო სკოლის გუნდის კაპიტანმა ნია ბოჭორიძემ და გიორგიწმინდის საჯარო სკოლის გუნდის კაპიტანმა ლიკა კევლიშვილმა დაიკავეს; მე-2 ადგილი 1-1 ქულით საგარეჯოს N3 საჯარო სკოლის გუნდის კაპიტანმა ნანუკი ტიგინაშვილმა, მე-4 საჯარო სკოლის გუნდის კაპიტანმა ვიტალი ოსეფაშვილმა და პატარძეულის ლიცეუმის გუნდის კაპიტანმა ნათია ვაჩნაძემ დაიკავეს. 

თამაში საქართველოს ჰიმნით გაიხსნა, შემდეგ კი დოკუმენტური ფილმი საქართველოს დამოუკიდებლობის აღდგენის ისტორიის შესახებ აჩვენეს.

იხილეთ ფოტოები