ნინოწმინდის N4 საჯარო სკოლაში ქართული ენის დღე არაერთი ღონისძიებით აღინიშნა
29-04-2024
ნინოწმინდის N4 საჯარო სკოლაში მოსწავლეთა ინტერესებსა და შესაძლებლობების გამოვლენაზე ორიენტირებული სასწავლო გარემოა შექმნილი.
ახლახან, სკოლაში დედაენის დღე აღინიშნა. თარიღთან დაკავშირებით კი, შემდეგი ღონისძიებები გაიმართა:
1. „არა ბარბარიზმებს!“
2. „იაკობ გოგოებაშვილის სახლ-მუზეუმის“ ფილმის ჩვენება;
3. იაკობ გოგებაშვილის ტექსტების მიხედვით შექმნილი ანიმაციების ნახვა;
4. მოსწავლეების ნაწერების გამოფენა;
5. დედა ენის ჰიმნის მოსმენა.
აქტივობებში დაწყებითი საფეხურის ყველა მოსწავლე დიდი ხალისით, მონდომებითა და ინტერესით მონაწილეობდა. მათ თემატური ნამუშევრები მოამზადეს, ქართულ ანბანს ხოტბა შეასხეს და დრო ნაყოფიერად გაატარეს.
აქტივობებში დაწყებითი საფეხურის ყველა მოსწავლე დიდი ხალისით, მონდომებითა და ინტერესით მონაწილეობდა. მათ თემატური ნამუშევრები მოამზადეს, ქართულ ანბანს ხოტბა შეასხეს და დრო ნაყოფიერად გაატარეს.
შეგახსენებთ, რომ 1978 წლის 14 აპრილს კონსტიტუციაში სახელმწიფო ენის შესახებ ჩანაწერის ცვლილების წინააღმდეგ თბილისში სტუდენტური მანიფესტაციები დაიწყო. ცვლილების თანახმად, საქართველოს რესპუბლიკაში ქართული ენის, როგორც სახელმწიფო ენის სტატუსი უქმდებოდა. მანიფესტაციების შედეგად, ქართულ ენას სახელმწიფო ენის სტატუსი შეუნარჩუნდა. საბჭოთა კავშირის ხელისუფლებამ გააცნობიერა‚ რომ მხოლოდ ორი გამოსავალი იყო - სისხლისღვრა ან დათმობა და მოსკოვი იძულებული გახდა დაეთმო. ამ მოვლენების გამო 14 აპრილი დედაენის დღედ გამოცხადდა.
იხილეთ ფოტოები:
იხილეთ ფოტოები:
სკოლების სიახლეები
