
დედოფლისწყაროს მუნიციპალიტეტის სოფელ არხილოსკალოს საჯარო სკოლაში დედამიწის დღე განსაკუთრებულად და ორიგინალურად აღინიშნა.
ამ დღესთან დაკავშირებით, სკოლის V-VI კლასებში, კომპიუტერული ტექნოლოგიების მასწავლებლის - ეკატერინე ჩიტაურის ხელმძღვანელობით, პროექტი „მოვუფრთხილდეთ დედამიწას“ განხორციელდა.
პროექტის ფარგლებში, მოსწავლეებმა პროგრამებში: „scratch.mit“ და „tinkercad.com“ იმუშავეს.
„საინტერესო აღმოჩნდა 3D დიზაინში პროექტის განხორციელება, ერთი შეხედვით ვითომ მარტივი, მაგრამ სულაც არ იყო მარტივი დედამიწის აწყობა, ასევე დიალოგები დედამიწის შესახებ , კოდის/ალგორითმის ზუსტი თანმიმდევრული გაწერა“, - გვიყვებიან სკოლაში.
მოსწავლეებმა ნამუშევრები დიდი მონდომებითა და ინტერესით შექმნეს.
სკოლის დირექცია მადლობას უხდის პროექტში მონაწილე მოსწავლეებს და მასწავლებელს.
„გისურვებთ წარმატებას, წინსვლას და მრავალი პროექტის განხორციელებას“, - აღნიშნავენ სკოლაში.
სკოლა მოსწავლეთა ნამუშევრებს გვიზიარებს: