ხელვაჩაურის მუნიციპალიტეტის სოფელ განთიადის საჯარო სკოლის მასწავლებლები მოსწავლეების მოტივირებასა და წარმატებულ მომავალზე ყოველდღიურად ზრუნავენ. 

ამ მიზნით კი, სხვადასხვა აქტივობას მართავენ, რითაც სასწავლო პროცესი კიდევ უფრო მრავალფეროვნდება. ახლახან, მერვე კლასის მოსწავლეები, დამრიგებელ მირანდა ახვლედიანთან ერთად, ძმები ნობელების სახელობის ბათუმის ტექნოლოგიურ მუზეუმში იმყოფებოდნენ. 

გასვლით აქტივობაში მოსწავლეები დიდი მონდომებით ჩაერთნენ, მათ სამუზეუმო სივრცე ინტერესით დაათვალიერეს, სხვადასხვა ინფორმაცია შეიმეცნეს და დრო ნაყოფიერად გაატარეს. 

როგორც სკოლაში გვიყვებიან, აღნიშნული ვიზიტით მოსწავლეებიცა და მასწავლებელიც ძალიან კმაყოფილები იყვნენ. 

იხილეთ ფოტო: