ახალქალაქის მუნიციპალიტეტის სოფელ ალათუმანის საჯარო სკოლაში მნიშვნელოვან თარიღებს შესაბამისი აქტივობები ეძღვნება.

ახლახან, სკოლაში, 9 აპრილთან დაკავშირებით, საინფორმაციო შინაარსის შეხვედრა ჩატარდა. მას პედაგოგები და მოსწავლეები ესწრებოდნენ.

ქართული ენის პედაგოგმა - დალი ბოლქვაძემ 1989 წლის 9 აპრილის მოვლენებზე, მის თანმდევ პროცესებზე - 2 წლის შემდეგ საქართველოს მიერ დამოუკიდებლობის გამოცხადებაზე, კიდევ ერთხელ ისაუბრა. მოსწავლეებმა და პედაგოგებმა 9 აპრილის ამსახველი ვიდეოები ნახეს, დაღუპულთა ხსოვნას პატივი მიაგეს და მათი თავდადებისა და მოპოვებული თავისუფლებისთვის მადლიერება გამოხატეს.

ბოლოს, სიმღერა - „ვაჩუქოთ ერთმანეთს ტიტები“ მოისმინეს. „9 აპრილის გმირებზე დგას საქართველოს დამოუკიდებლობა“,- სწორედ ეს სულისკვეთება გასდევდა ღონისძიებას.

შეგახსენებთ, რომ 1989 წლის 9 აპრილს გამთენიისას თბილისში, რუსთაველის გამზირზე, საბჭოთა კავშირის სადამსჯელო ნაწილებმა მშვიდობიანი საპროტესტო აქცია დაარბიეს. შედეგად, დაიღუპა 21 ადამიანი, 2000-ამდე პირი კი მოიწამლა. ზუსტად 2 წლის შემდეგ, საქართველოს უზენაესმა საბჭომ, ზვიად გამსახურდიას მეთაურობით, საქართველოს დამოუკიდებლობის აქტი მიიღო. 9 აპრილი საქართველოს უახლეს ისტორიაში ტრაგედიისა და ამავდროულად, საქართველოს დამოუკიდებლობის აღდგენის დღედ ჩაეწერა. 

იხილეთ ფოტოები: