მოლითის საჯარო სკოლის მოსწავლეებმა დედამიწის დღეს მრავალფეროვანი აქტივობები მიუძღვნეს
25-04-2024
ხარაგაულის მუნიციპალიტეტის სოფელ მოლითის საჯარო სკოლაში დედამიწის დღე მრავალფეროვანი აქტივობებით აღინიშნა.
სკოლაში, მოსწავლეებმა პედაგოგებთან ერთად წარადგინეს პრეზენტაცია, სადაც ისაუბრეს დედამიწის როლსა და მის დაცვა-მოფრთხილების აუცილებლობაზე. დაწყებითი კლასის მოსწავლეებმა აღნიშნულ თემატიკაზე შექმნეს ნახატები.
აგრეთვე შეიქმნა კედლის გაზეთი, მოსწავლეთა ინიციატივით დასუფთავდა სკოლის ტერიტორია და დაირგო მცენარეები.
„მცირე და მოკრძალებული ღონისძიებებით მოლითის სკოლის მოსწავლე-მასწავლებლებმა კიდევ ერთხელ შეგვახსენეს, რომ დედამიწა ჩვენი სახლია, რასაც გაფრთხილება და მოვლა სჭირდება“, - აღნიშნავენ სკოლაში.
აქტივობებში ისინი დიდი ენთუზიაზმით, ხალისითა და ინტერესით მონაწილეობდნენ.
დედამიწის დღე — ყოველწლიური ღონისძიება, რომელიც 22 აპრილს აღინიშნება. ამ დღეს მსოფლიოს გარშემო იმართება გარემოს დაცვის მხარდასაჭერი ღონისძიებები. ის პირველად აღინიშნა 1970 წელს, დღესდღეობით კი ყოველწლიურად აღინიშნება 193 ქვეყანაზე მეტში.
იხილეთ ფოტოები:
სკოლაში, მოსწავლეებმა პედაგოგებთან ერთად წარადგინეს პრეზენტაცია, სადაც ისაუბრეს დედამიწის როლსა და მის დაცვა-მოფრთხილების აუცილებლობაზე. დაწყებითი კლასის მოსწავლეებმა აღნიშნულ თემატიკაზე შექმნეს ნახატები.
აგრეთვე შეიქმნა კედლის გაზეთი, მოსწავლეთა ინიციატივით დასუფთავდა სკოლის ტერიტორია და დაირგო მცენარეები.
„მცირე და მოკრძალებული ღონისძიებებით მოლითის სკოლის მოსწავლე-მასწავლებლებმა კიდევ ერთხელ შეგვახსენეს, რომ დედამიწა ჩვენი სახლია, რასაც გაფრთხილება და მოვლა სჭირდება“, - აღნიშნავენ სკოლაში.
აქტივობებში ისინი დიდი ენთუზიაზმით, ხალისითა და ინტერესით მონაწილეობდნენ.
დედამიწის დღე — ყოველწლიური ღონისძიება, რომელიც 22 აპრილს აღინიშნება. ამ დღეს მსოფლიოს გარშემო იმართება გარემოს დაცვის მხარდასაჭერი ღონისძიებები. ის პირველად აღინიშნა 1970 წელს, დღესდღეობით კი ყოველწლიურად აღინიშნება 193 ქვეყანაზე მეტში.
იხილეთ ფოტოები:
სკოლების სიახლეები
