ხონის N2 საჯარო სკოლაში დედამიწის დღე მრავალფეროვანი ღონისძიებებით აღნიშნეს, ამჯერად საინტერესო აქტივობით, ასპარეზზე მე-5ა კლასის მოსწავლეები გამოვიდნენ.
ამ დღეს, კლასში საინტერესო გაკვეთილი მიეძღვნა, რომელსაც ბუნებისმეტყველების მასწავლებელი თამარ მეშველიანი ხელმძღვანელობდა.
მოსწავლეებმა გააცნობიერეს ამ დღის აქტუალურობა, გაეცნენ მისი დაარსების ისტორიას, მოიძიეს ინფორმაცია, თუ სად და როგორ აღინიშნა პირველად ეს დღე ეკოლოგიური პრობლემების წარდგენის შემდეგ, იმსჯელეს პრობლემის დაძლევის გზებზე, ასევე ️გაითამაშეს სიტუაციური ამოცანა.
აღსანიშნავია, რომ გაკვეთილის ბოლოს გაიმართა დისკუსია, ასევე მოეწყო ნახატებისა და სლოგანების პრეზენტაცია.
გაკვეთილის მიზანი გახლდათ მომავალ თაობაში ბუნებისადმი სიყვარულისა და პატივისცემის გრძნობის გაღვივება და მის დაცვაზე ზრუნვა.
იხილეთ ფოტოები:
